Ons vergemaklik die deel van jou familie plekkie.
OnsPlekkie help families om 'n familieplek, soos bv 'n strandhuis of plaas wegbreek, saam te bestuur - duidelik, maklik en deursigtig.
Skep jou plek, stel die kamers op, voeg die huisreëls by en nooi die familie. Almal sien dieselfde kalender: wie kom wanneer, watter kamers gebruik word, wat beskikbaar is, en wat elke verblyf kos.
Indien die plek ook op platforms soos Airbnb, Booking.com of LekkeSlaap verhuur word, kan OnsPlekkie help om beskikbaarheid met kalender-skakels dop te hou, sodat familieverblyf en betaalde besprekings nie deurmekaar raak nie.
Gebou vir families wat 'n geliefde plek wil deel, duidelik, regverdig en sonder onnodige admin.
Het jou familie jou genooi? Meld hier aan
Só werk dit
Skep jou plek
Voeg die huis, kothuis of woonstel by. Stel kamers, beddens, slaapkapasiteit en huisreëls op.
Nooi die familie
Gee familielede toegang sodat almal dieselfde kalender, beskikbaarheid en reëls kan sien.
Bestuur verblyf en kostes
Teken familieverblyf aan, hou kamers en datums dop, en bereken die koste per verblyf sonder ongemaklike heen-en-weer boodskappe.
Hou eksterne besprekings dop
Gebruik kalender-skakels om beskikbaarheid met platforms soos Airbnb, Booking.com en LekkeSlaap te help belyn.
Só lyk dit vir die familie
Een kalender vir almal: wie kom, watter kamers gevat is en wat nog oop is. Tik op 'n dag om te sien wie daar is.
Die besprekings is uitgedink, net sodat jy kan sien hoe dit werk.
Alles wat gewoonlik deurmekaar raak, op een plek.
- Gedeelde kalender vir familieverblyf en beskikbaarheid.
- Kamers, beddens en slaapkapasiteit wat duidelik uiteengesit is.
- Privaat kamers of vleuels wat net met toestemming bespreek kan word.
- Kosteberekening per verblyf, sodat almal weet wat hulle moet bydra.
- Huisreëls, notas en belangrike inligting vir die plek.
- Kalender-skakels vir beskikbaarheid met platforms soos Airbnb, Booking.com en LekkeSlaap.
Het julle die plek saam geërf? Maak elke eienaar 'n admin. Julle sien almal elke bespreking, en elkeen kry 'n e-pos wanneer 'n ander een bespreek.
Kry julle familieplek opgestel
Skep jou rekening, voeg die plek by en nooi die familie. Binne 'n paar minute kan almal van dieselfde kalender en reëls af werk.
Jou familie bespreek gratis. 'n Plek kos een fooi per jaar (R465), en enige van sy admins kan dit betaal. Geen kommissie en geen per-besprekingskoste nie.